Një aksident trafiku ka ndodhur mëngjesin e sotëm mes një veture dhe një kamioni në magjistralen Prishtinë-Ferizaj, në afërsi të Çagllavicës.

Zëdhënësi i policisë për rajonin e Prishtinës, Agron Borovci, bëri të ditur për Arbresh.info se në këtë aksident nuk raportohet për persona të lënduar.

“Rreth orës 09:30, është pranuar informata për një aksident trafiku rrugor të ndodhur në rrugën magjistrale Prishtinë-Ferizaj, respektivisht në afërsi të Çagllavicës. Nga informatat e para bëhet e ditur se në aksident janë përfshirë një veturë dhe një kamion, ndërkaq nuk raportohet për persona të lënduar. Policia ka dalë në vendin e ngjarjes, po ndërmerr masat e nevojshme për lehtësimin e qarkullimit rrugor si dhe ka nisur punën për hetimin e shkaqeve që kanë sjellë deri te aksidenti”, ka deklaruar ai./Arbresh.info