Shefi i Grupit Parlamentar të AAK-së, Besnik Tahiri ka shprehur ngushëllime për ndarjen nga jeta të fotoreporterit, Alban Bujari.

Tahiri thotë se Albani ishte një ikonë e kryeqytetit, duke shtuar se ishte e pamundur të mos e takoje në ngjarje të rëndësishme, i përkushtuar dhe i heshtur.

“Lajmi për vdekjen e fotoreporterit Alban Bujari është shumë i dhimbshëm. Albani ishte një ikonë e kryeqytetit. Ishte e pamundur të mos e takoje në ngjarje të rëndësishme, i përkushtuar dhe i heshtur. Kalimthi, me zë të ulët, ndante mendimin, kritikën apo vlerësimin e tij. Ai i përket brezit të fotoreporterëve që, me fotografitë e tyre, i kanë pasqyruar botës tmerrin e luftës. E në liri, ai i ka bërë të përjetshme momentet historike. I tillë, ai do të mbetet i përjetshëm në historinë e Kosovës”, shkruan Tahiri./Arbresh.info/

LEXO EDHE:

Ndërron jetë Alban Bujari, fotoreporteri që solli kujtimet e luftës përmes fotografive