Juventusi arriti ta fitojë derbin e Italisë ndaj Interit me rezultat 1-0 në kuadër të xhiros së 25-të.

Pas disa gjysmërasteve nga të dyja anët, rasti shumë i mirë u paraqit për Mehdi Taremin në minutën e 19-të i cili me një gjuajtje akrobatike gjuajti drejt portës, por Michele Di Gregorio bëri një super pritje.

Tre minuta më vonë, Juventusi tentoi me Nico Gonzales dhe  Francisco Conceicaon, por që në të dy rastet Yann Sommer ishte në vend.

Në minutën e 43-të, Denzel Dumfries goditi shtyllën.

Pas një loje të bukur nga të dy skuadrat, më në fund ka ardhur goli në minutën e 74-të.

Randal Kolo Muani bukur futet në zonë, asiston te Francisco Conceicao i cili me një goditje të saktë shënon për 1-0.

Me këtë fitore Juve arriti në kuotën e 46 pikëve dhe pozitën e katërt kurse Interi humb mundësinë edhe njëherë për të marrë kreun e tabelës, mbetet në kuotën e 54 pikëve./Arbresh.info