Në zona të ndryshme në Shqipëri, moti i keq po shkakton probleme dhe vështirësi të shumta në qarkullimin rrugor.

Nga informacionet e fundit zyrtare TCH mëson se reshjet e dëborës vijojnë në Llogara, rruga kalohet me vështirësi dhe policia udhëzon udhëtarët që të përdorin zinxhirët.

Pas përplasjes së dy veturave, uniformat blu që mbikëqyrin aksin e ngrirë prej 2 km kanë ndaluar automjetet duke detyruar drejtuesit që t’i vendosin ato. Në vendin e ngjarjes mësohet se ndodhet edhe një borë-pastruese.
Ndërsa në Gramsh, nga rrëshqitja e dherave si pasojë e lagështirës është vështirësuar kalimi në akset që lidhin qytetin me komunat Sulte, Kukur dhe Poroçan.
Reshje bore ka pasur edhe në komunat e thella të Librazhdit, por për fat të mirë nuk ka zona të bllokuara, njoftojnë më tej autoritetet.
Edhe në Qafë Thanë ka dëborë, por jo probleme në qarkullim./arbresh.info/