Koalicioni për Familjen ka mbajtur një tubim përmbyllës në Prishtinë, ku ka theksuar angazhimin për ruajtjen e vlerave të familjes tradicionale.

Zyrtarë të koalicionit kanë shprehur rëndësinë e familjes për zhvillimin e shoqërisë dhe të ardhmen e vendit, duke u angazhuar për mbështetje dhe përkushtim në ruajtjen e këtyre vlerave.

Ata kanë folur për rëndësinë e familjes si bazë për shëndetësi, arsim, zhvillim ekonomik, dhe kulturë, duke theksuar se pa të, nuk mund të ketë vazhdimësi, as komb, as shoqëri.

“Familja është garancë e shoqërisë, pa të s’mund të kemi të ardhme, shëndetësi, zhvillim ekonomik, as arsim e kulturë. Nuk mund të ketë vazhdimësi, pa familje nuk mund të ekzistojë as vendi, kombi e as njerëzimi. Andaj në këtë rrugëtim politik i cili buron nga ju, ky është fillimi, e që ky rrugëtim do të jetojë gjatë për aq sa jetojnë familjet shqiptare”, ka thënë prijësi i kësaj liste, Eman Rrahmani.