Ministri i Punëve të Jashtme të Shqipërisë, Igli Hasani, ka njoftuar se 30 ushtarakë shqiptarë do të dislokohen nga Reparti i rëndësishëm i Forcave Tokësore në Zall-Herr të Tiranës për të kontribuar në misionin EUFOR “ALTHEA” në Bosnjë-Hercegovinë.

Hasani tha se ky angazhim do të realizohet në kuadër të integrimit të trupave shqiptare me kompaninë e Forcave të Armatosura të Turqisë.

Hasani theksoi se ky kontribut është një hap i rëndësishëm për forcimin e marrëdhënieve mes Shqipërisë dhe Bashkimit Evropian.

“30 ushtarakë shqiptarë do të dislokohen nga Reparti i rëndësishëm i Forcave Tokësore në Zall-Herr të Tiranës për të kontribuuar në misionin EUFOR “ALTHEA” në Bosnjë-Hercegovinë, i integruar me kompaninë e Forcave të Armatosura të Turqisë. Përmes këtij angazhimi, ne jo vetëm që forcojmë marrëdhëniet me Bashkimin Evropian, por edhe dëshmojmë qartë rolin e Shqipërisë si faktor i rëndësishëm stabiliteti në rajon e më gjerë. Kontributi ynë në EUFOR “ALTHEA” nuk është vetëm një përgjegjësi e përbashkët, por edhe një angazhim strategjik për një të ardhme më të sigurt dhe më të qëndrueshme”, tha Hasani./Arbresh.info