Ad Banner
Ad Banner
Ad Banner
Ad Banner

Rutte: Evropa do të paguajë armët e SHBA-së për Ukrainën

11:54 | 23 Janar 2025
R J

Sekretari i përgjithshëm i NATO-s, Mark Rutte, ka bërë thirrje që SHBA-ja të vazhdojë ta furnizojë Ukrainën me armë dhe se Evropa do ta paguajë faturën, raporton agjencia “Reuters”.

Duke folur në Forumin Ekonomik Botëror në Davos të Zvicrës, shefi i NATO-s ka thënë se aleanca duhet të investojë më shumë në mbrojtje, ta rrisë prodhimin industrial të mbrojtjes dhe të ndihmojë më shumë Ukrainën.

Rutte ka shtuar se “në Ukrainë, ne kemi nevojë për SHBA-në të qëndrojë e përfshirë”.

“Nëse administrata e Trumpit do të vazhdojë ta furnizojë Ukrainën me armë nga industria e saj e mbrojtjes, fatura do të paguhet nga evropianët, jam i bindur për këtë. Ne kemi vullnet ta bëjmë këtë”, tha Rutte.

Komenti i sekretarit të NATO-s erdhi pasi presidenti i SHBA-së Donald Trump ka deklaruar këtë javë se Bashkimi Evropian duhet të bëjë më shumë për ta mbështetur Ukrainën.

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm