Barcelona ka arritur të shënoj fitore madhështore në Lisbonë ndaj Benficas me rezultat 4-5 në ndeshjen e shtatë në Ligën e Kampionëve.

Gjithçka nisi shumë keq për katalanasit që e humbën pjesën e parë me rezultat 3-1, shkruan Arbresh.info.

Vendasin shënuan në minutën e dytë me anë të Pavlidis. Kurse në minutën e 13-të, Lewandowski barazoi nga penalltia.

Por ishte sërish, Pavlidisi që shënoi në minutën e 22-të, për ta rikthyer epërsinë.

Ndërsa tetë minuta më vonë greku u bë “makth” i katalanasve ku realizoi edhe golin e tretë për 3-1.

Golat nuk u ndalën as në pjesën e dytë, ku Barcelona ngushtoi avantazhin në minutën e 64-të, me golin e Raphinhas.

Por katër minuta pas këtij goli, Araujo ngatërroi portën dhe shënoi autogol për 4-2.

Barca s’u dorëzua dhe Lewandowski nga penalltia shënoi golin e tretë. Tre minuta para mbarimit të kohës së rregullt, katalanasit barazuan rezultatin me golin e Eric Garcias.

Çmenduria ndodhi në kohën shtesë kur braziliani Raphinha shënoi edhe golin e pestë për të për të arritur fitoren e jashtëzakonshme të këtij sezoni.

Tashmë Barcelona ka 18 pikë kurse Benficas 10 sosh./Arbresh.info