Policia pajiset me kartela për trajtimin e personave me aftësi të kufizuara

12:10 | 16 Janar 2025
K.B

Policia e Kosovës ka pranuar 8 mijë kartela xhepi nga OSBE-ja, të cilat do të ndihmojnë zyrtarët policorë në trajtimin profesional të rasteve që përfshijnë këtë kategori qytetarësh.

Sipas policisë, këto kartela janë ndarë në tri gjuhë: shqipe (7000), serbe (1000), dhe angleze (40), dhe do të shpërndahen tek zyrtarët hetues, sektorial dhe reargues.

“Ky hap është pjesë e përkushtimit të Policisë së Kosovës për të ofruar shërbime më të mira dhe gjithëpërfshirëse për komunitetin. Ky projekt u realizua falë bashkëpunimit të ngushtë me OSBE-në, duke siguruar që Policia e Kosovës të jetë më e gatshme dhe e aftë për t’u përgjigjur në mënyrë të përshtatshme nevojave të qytetarëve me aftësi të kufizuara”, thuhet në njoftimin nga policia./Arbresh.info/