Abdixhiku: LDK dhe Prishtina më 9 shkurt bëhen një

23:05 | 14 Janar 2025
R J

Lumir Abdixhiku, kandidat i LDK-së për kryeministër, theksoi angazhimin e LDK-së për zhvillimin e Prishtinës, duke deklaruar se “1.5 miliard euro investime për Prishtinën!”

Abdihiku foli për planet e partisë për transformimin rrënjësor të Kryeqytetit, duke përfshirë projekte si Unaza e Kryeqytetit, Stadiumi i Ri, Qendra e Sportit, Parku Teknologjik dhe Spitali i Ri.

“Me 1.5 miliard euro investime për Prishtinën, me transformimin rrënjësor me Unazën e Kryeqytetit; Stadiumin e Ri e Qendrën e Sportit, me Parkun Teknologjik e Spitalin e Ri, me mësim tërëditor për 28 mijë fëmijë në Kosovë – Prishtina, banorët e Kryeqytetit më 9 shkurt e fitojnë shtetin!”, ka thënë ai.

Abdixhiku shprehu besimin dhe shpresën për të ardhmen, duke shtuar se “Ky momentum i mirë i yni na jep besim dhe shpresë” dhe se fushata e LDK-së është bërë “antidot i urrejtjes, ndarjes e përçarjes!”