Nesër mbledhja e Qeverisë, ja pikat e rendit

22:01 | 21 Janar 2016
M. A.

Qeveria e Kosovës nesër, e premte, ka mbledhjen e radhës.

Kjo mbledhje mbahet pak orë para se të mblidhet kryesia e Kuvendit të Kosovës, që për ta është takimi i parë për këtë vit.

Lajmi.net mëson se në mbledhjen e Qeverisë pikë të ditës kanë draft-strategjinë kombëtare për zhvillim 2016-2019, pastaj draft-strategjinë shtetërore për sigurinë kibernetike dhe Plani i veprimit 2016-2019.

Pastaj do të shqyrtohet nisma për lidhjen e Marrëveshjes financiare për IPA 2015 ndërmjet Republikës së Kosovës dhe Bashkimit Evropian.

Pikë tjetër do të jetë propozim – vendimi për shpalljen e “Zonës së Gadimes” Zonë të veçantë si dhe shqyrtimi i programit për zbatimin e strategjisë minerare të Republikës së Kosovës për periudhën 2015-2017.