Ad Banner
Ad Banner
Ad Banner
Ad Banner

Gjendet armë dhe 50 fishekë në valixhen e një pasagjeri në autobusin në Merdarë

21:00 | 22 Dhjetor 2024
E.H

Dogana e Kosovës njofton se kanë gjetur në një autobus një armë të zjarrit me 50 copë fishekë.

Në njoftimin për media thuhet se autobusi me targa vendore është ndalur në pikën kufitare në Merdarë dhe gjatë skanimit të disa valixheve, në njërën është gjetur arma, përcjell Arbresh.info.

Pas verifikimeve të mëtejshme, është konstatuar dhe gjetur pronari i valixhes.

“Arma dhe fishekët janë konfiskuar menjëherë dhe janë dorëzuar pranë Policisë Kufitare për procedura të mëtejshme ligjore. Policia e Kosovës ka marrë përsipër trajtimin dhe hetimin e këtij rasti, në përputhje me ligjet në fuqi”, thuhet në njoftim.

Dogana e Kosovës ka ftuar qytetarët të bashkëpunojnë me organet kompetente dhe të raportojnë çdo veprim të dyshimtë, në mënyrë që të kontribuojmë së bashku për një mjedis më të sigurt.

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm