Ish-Presidenti i Kosovës, z.Behgjet Pacolli, për 10 vjetorin e vdekjes së presidentit, Ibrahim Rugova, ka kujtuar fjalët e tij që sipas Pacollit do të mbetën si mbrojtja më e mirë që i bëhet Atdheut.

“Vëllezër çdo gjë do kalojë , por duhet të ruajmë njerëzit, pronën, kadastrën, pyjet,ujërat dhe të mirat e Kosovës”, janë fjalët e të ndjerit Rugova, të cilat i kujton Pacolli në llogarinë e tij në Facebook.

Pacolli thotë se këto ”Janë fjalë që tingëllojnë fort dhe duhet t’i dëgjojmë edhe tani e gjithmonë sepse edhe pa na sulmuar asnjë agresor, kam frikë se po i humbim”./Arbresh.info

Postimi i plotë:

Për 10 vjetorin e vdekjes së Presidentit,

Në ditët e vështira që po kalojmë ku shumë kanë dalë nëpër rrugë për të mbrojtur Republikën;

kur nuk ka agresor e nuk na sulmon askush dhe në taborin tjetër vetëm shtohet ushtria e profiterëve që po e shqyen realisht Kosovën;

në momentet kur Populli ka mbet i hutuar e nuk e di realisht nga kush të mbrohet, duhet kujtuar e nderuar Presidenti Rugova dhe qetësia e njeriut të madh që po na mungon.

I vetëdijshëm deri në pafundësi në tërë rrëmujën e tmershme që kish pllakosur, fjalët e tij do të mbeten si mbrojtja më e mirë që i bëhet Atdheut. “Vëllezër cdo gjë do kalojë , por duhet të ruajmë njerëzit, pronën, kadastrën, pyjet,ujërat dhe të mirat e Kosovës”.

Janë fjalë që tingëllojnë fort dhe duhet t’i dëgjojmë edhe tani e gjithmonë sepse edhe pa na sulmuar asnjë agresor, kam frikë se po i humbim.

Nderim Presidentit të madh Rugovës dhe veprës së tij!