Sulmet izraelite në Rripin e Gazës vranë të paktën 26 njerëz gjatë natës dhe të mërkurën përfshirë një që goditi një shtëpi ku njerëzit e zhvendosur ishin strehuar në veriun e izoluar, duke vrarë 19 persona, sipas zyrtarëve mjekësorë palestinezë.

Lufta Izrael-Hamas ka vazhduar pa fund, edhe pasi Izraeli arriti një armëpushim me Hezbollahun e Libanit dhe vëmendja u zhvendos te përmbysja e presidentit sirian Bashar Assad.

Administrata amerikane nw shkuarje dhe ajo nw ardhje kanë thënë se shpresojnë t’i japin fund luftës përpara inaugurimit, por disa muaj bisedimesh për armëpushim kanë ngecur në mënyrë të vazhdueshme, raporton Associated Press.

Sulmi që vrau 19 persona ndodhi në qytetin verior të Beit Lahiya pranë kufirit me Izraelin, sipas spitalit aty pranë Kamal Adwan, i cili mori trupat. Të dhënat spitalore tregojnë se një familje me tetë anëtarë ishte në mesin e të vrarëve, duke përfshirë katër fëmijë, prindërit e tyre dhe dy gjyshërit.