Ish –presidenti i Kosovës dhe njëherësh Kryetari i AKR-së, z.Behgjet Pacolli ka komentuar krizën ekonmike në vend duke apeluar te kryeministri i Kosovës, Isa Mustafa që të ndërmarr dicka sa më shpejt që të rifunksionalizohen fabrikat e dikurshme ku sipas Pacollit po rrinë bosh nëpër Kosovë.

Postimi i plotë në llogarinë e tij në Facebook:

Apel Kryeministrit të Kosovës

Çka duhet me ndodh më alarmante në rrafshin ekonomik në Kosovë në mënyrë që Qeveria të reagojë në ndërprerjen e thellimit të krizës që është duke e kapluar edhe më tepër vendin?

Për hir të obligimit që keni ndaj qytetarëve, ju lutem bëni diçka që sa ma shpejt të rifunkcionalizohen (me programe diferente prodhuese) fabrikat e dikurshme që rrinë bosh nepër Kosovë.

Kryeministër, ju e keni fuqinë politike! Rishqyrtoni funkcionin e Akp-së dhe ja ktheni fabrikat dhe tokat Komunave respektive! Komunat do t’i managjojnë ato sipas normave të ekonomisë së tregut nën përkujdesin e një trupi kontrollues të Qeverisë qendrore.

Kjo do të ndalë hovin e ikjeve të investitorëve dhe do krijojë mundësi për ardhjen e të tjerëve. Ju e dini Kryeministër se kjo punë bëhet vetëm me përkushtim! A e keni ju përkushtimin?