Gazetarit Vehbi Kajtazi i vendoset GPS në veturë, policia nis hetimet

16:16 | 31 Tetor 2024
K.B

Gazetarit Vehbi Kajtazi, ka bërë të ditur se sot i është vendosur një gjurmues GPS në veturën e tij.

Një video nga afër e pajisjes tregon se bëhet fjalë për një GPS që shërben për gjurmimin e veturave apo automjeteve të tjera.

Lidhur me rastin, policia ka ndërmarrë menjëherë veprime.

Lajmin për Arbresh.info e ka konfirmuar zëdhënësi i policisë, Daut Hoxha.

“Është intervistuar gazetari në fjalë dhe këto informacione (edhe një pajisje/dëshmi që sipas informatave fillestare dyshohet të jetë GPS), janë duke u trajtuar në bashkëpunim me prokurorinë për të sqaruar rrethanat dhe dyshimet e tjera, përfshirë këtu edhe angazhimin e profesionistëve të Policisë së Kosovës që merren me trajtimin e mjeteve apo pajisjeve të dyshimta. Për mbarëvajtjen dhe rezultatet e hetimeve që po realizohen në bashkëpunim me prokurorinë, do te njoftoheni me kohe”, tha Hoxha.