Deputeti i Lidhjes Demokratike të Kosovës (LDK), Avdullah Hoti ka uruar Qeverinë shqiptare për hapjen e kapitujve për anëtarësim të Shqipërisë në BE-së.

Me anë të një postimi në Facebook, Hoti tha se me me anëtarësimin e Shqipërisë në BE fuqizohemi politikisht dhe ekonomikisht, shkruan Arbresh.info.

“Shqipëria hapi kapitujt për anëtarësim në Bashkimin Evropian. Kjo është arritje e rëndësishme jo vetëm për Shqipërinë, por për të gjithë shqiptarët. Anëtarësimi i Shqipërisë në NATO i ka vendosur gjithë shqiptarët në rajon nën mbrojtjen e NATO-s. Me anëtarësimin e Shqipërisë në BE fuqizohemi politikisht dhe ekonomikisht.”, ka shkruar ai.

Hoti ka përmendur edhe faktin se në dy vitet e fundit nuk ka mbledhje të përbashkëta të dy Qeverive.

“Në anën tjeter, ka dy vite që nuk ka mbledhje të përbashkëta të dy Qeverive për të avancuar më tutje harmonizimin e politikave ekonomike e sociale, arsimore e shëndetësore, ambientale, energjetike e infrastrukturore.”, tha ai./Arbresh.info/

Ndryshe, Shqipëria ka hapur kapitullin e parë të negociatave për anëtarësim me Bashkimin Evropian më 15 tetor.

Kryeministri i Shqipërisë, Edi Rama, në konferencën e përbashkët me ministrin hungarez të Punëve të Jashtme dhe Tregtisë, Peter Szijjarto, në Luksemburg, e vlerësoi si historik këtë moment./Arbresh.info/

LEXO EDHE:

Negociatat me BE-në, Rama: Hap historik për ne, nuk kemi plan B – Alternativat jashtë BE janë makthe