Egnatia ka arritur të bëjë një supergoditje në merkato, duke firmosur me mbrojtësin e kombëtares shqiptare Frederik Veselin. Lajmin e ka bërë me dije vetë klubi rrogozhinas përmes një postimi në rrjetet sociale.

Veseli ka firmosur një kontratë që e mban të lidhur deri në vitin 2026 me Egnatian. 31-vjeçari ishte lojtar i lirë pasi mbylli bashkëpunimin me Karagumruk në Turqi, me të cilën u aktivizua në 22 ndeshje sezonin e kaluar, 18 nga të cilat si titullar

Egantia bën një goditje të rëndësishme, pasi Veseli, veç se është një element luksi për Kategorinë Superiore, mund të luaj edhe në të gjitha rolet e mbrojtjes.

I formuar në moshat e Manchester City dhe Manchester United, Veseli ka qenë pjesë edhe e Ipsuich, Bury, Port Vale, Lugano, Empoli, Salernitana dhe Benevento.

Veseli ka qenë pjesë e kombëtares shqiptare në kampionatin europian të luajtur në Francë në vitin 2016, teksa ai kishte marrë ofertë edhe nga Dinamo, por siç duke, projekti i Egnatias, kampiones në fuqi, e ka bindur më shumë.

Klub Futboll Egnatia njofton se ka firmosur kontratë deri në 2026 me qendërmbrojtësin e kombëtares Shqiptare Frederic Veseli. I formuar tek Manchester United 31-vjeçari është një vlerë e shtuar e klubit tonë dhe Abissnet Superligës.

Presidenti Agim Demrozi ka falenderuar Federic Veselin që besoj në projektin e Egnatias për vazhdimësinë e karrierës se tij.