Ambasada e Mbretërisë së Bashkuar në Kosovë, ka shkruar për vizitën e drejtoreshës për Ballkanin Perëndimor dhe Mediteran në Ministrinë për Punë të Jashtme, Komonuelth dhe Zhvillim të Mbretërisë së Bashkuar, Victoria Billing e cila u takua edhe me kryeministrin Albin Kurti.

Sipas njoftimit, ajo e ka përshëndetur vendimin e Qeverisë së Kosovës për të lejuar kalimin e sigurt të mallrave përmes pikës kufitare në Merdare, kësisoj thuhet se kjo i ndihmon progresit në CEFTA, shkruan Arbresh.info.

Po ashtu, ka përmendur potencialin për rritjen e investimeve Mbretëri e Bashkuar-Kosovë.

“Ajo e nisi vizitën e saj me takimin me kryeministrin Albin Kurti. Ajo përshëndeti vendimin e qeverisë për të lejuar kalimin e sigurt të mallrave përmes pikës së kalimit Medare, si një hap i rëndësishëm drejt zhbllokimit të progresit në CEFTA. Ata gjithashtu diskutuan potencialin për rritjen e mundësive për investime MB-Kosovë, çështjet e sigurisë dhe marrëdhëniet me komunitetet joshumicë”, thuhet në njoftimin e ambasadës britanike./Arbresh.info/

LEXO EDHE:

Kurti: Mbretëria e Bashkuar mbetet një partner e aleat i fuqishëm i Kosovës