Arsenal ka arritur të shënoj fitoren e radhës në Premier League duke mposhtur Southamptonin me rezultat 3-1 në kuadër të xhiros së shtatë.

Pjesa e parë u mbyll pa gola, shkruan Arbresh.info.

Ishin mysafirët që realizuan golin e parë në këtë takim me anë të Archer, në minutën e 55-të.

Mirëpo, “Topçinjtë’, reaguan shpejtë ku vetëm pas tre minutash barazuan rezultatin me golin e Havertzit pas asistimit nga Saka.

Anglezi asistoi edhe në golin e epërsisë të Arsenalit, dhjetë minuta më vonë ku e shënoi Martinelli.

Pas dy asistimeve ishte radha që Saka të realizoj.

Dy minuta para fundit, anësori anglez vendosi rezultatin final 3-1.

Pas kësaj fitore Arsenali ka 17 pikë në tabelë dhe ndanë pozitën e dytë me Manchester Cityn, teksa liderë është Liverpooli me një pikë më shumë.

Ndërkohë, Southamptoni është i parafundit në tabelë me një pikë.

Ndeshja e radhës për të drejtuarit e Artetas është ndaj Bornemouth në udhëtim pas pushimit ndërkombëtar, kurse Southampton luan në shtëpi ndaj Leicesterit./Arbresh.info