Bedri Hamza, kryetari i Mitrovicës dhe kandidati për kryeministër nga radhët e Partisë Demokratike të Kosovës (PDK), ka mohuar spekulimet për përçarje brenda partisë, duke theksuar se PDK është partia më e unifikuar në Kosovë.

Në “Debat Plus,” Hamza theksoi se brenda strukturave të partisë ekziston unitet i plotë, si dhe një komunikim i ngushtë mes anëtarëve.

Hamza u shpreh i sigurt se PDK-ja është gati për zgjedhje dhe se ajo mbetet partia më e unifikuar në Kosovë, pavarësisht spekulimeve.

“E them me siguri të plotë që brenda PDK-së ka unitet të plotë. Ne përveç që jemi të njëjtës parti me pjesën dërmuese jemi miq e shok. Dhe atë jo për një kohë të shkurt po për dekada. Ka dallim në moshë. Por sa i përket stazhit politik, pjesa më e madhe i kanë më shumë se 20 vjet në PDK. Dhe jam i lumtur që kam një komunikim, mbështetje. PDK është mirë e përgatitur. Ne kemi arritur që gjithë degët ti krijojmë shtabet zgjedhore, t’i krijomë nën shtabet zgjedhore. Dhe pa ndonjë dilemë jemi të përgatitur për zgjedhjet e 9 shkurtit…

Sa i përket fjalëve që nuk ka unitet brenda PDK-së, për njerëz jashtë strukturave, jashtë vendimmarrjes së PDK-së unë nuk e di. Mund të flet dikush. Por për kryesin e PDK-së për Këshillin Drejtues, Kuvendin, në nivel të degëve është një përkrahje dhe një unitet i plotë.

Është partia më e unifikuar në nivel të Kosovës”, ka thënë Hamza.