Kryetari i Kuvendit të Kosovës, Glauk Konjufca, për ngritjen e aktakuzës për rastin e Banjskës tha se është një lajm i mirë, ndonëse shumë i vonuar.

Kryeparlamentari Konjufca tha se tashmë sytë janë kah drejtësia, që ka ngritur aktakuzën dhe mbetet që të përcillet e gjitha procedura.

“Ky po që është një lajm i mirë, lajm për të cilin nuk dua të jap kritika pse u vonua kaq shumë,dua të them, më mirë vonë se sa kurrë. Me siguri prokurorisë i është dashur kohë shumë që të mbledhin provat për të ngritur këtë aktakuzë. Tashmë sytë janë kah drejtësia,që ka ngritur aktakuzën,dhe mbetët që të përcillet e gjitha procedura”, tha Konjufca.

Kujtojmë se Prokuroria Speciale e Kosovës ka ngritur aktakuzë për sulmin e 24 shtatorit në Banjskë të Zveçanit, ku mbeti i vrarë polici Afrim Bunjaku./rtk