Rigjallërimi i modeleve të veturave të vjetra me një kthesë moderne nuk është diçka e re.

Prodhuesit e automjeteve e duan nostalgjinë, gjë që ndonjëherë përkthehet në koncepte të mrekullueshme që do të donim të ishin reale.

Renault R17 është një nga ato vetura, përcjell Telegrafi.

E zbuluar së fundmi, ajo merr idenë e një ikone, e përshtat atë me një motor elektrik dhe e mbështjell me një riimagjinim mahnitës të etikës klasike të dizajnit të viteve 1970.

Renault bashkëpunoi me Ora Ïto, dizajneren franceze, për veturën, e cila përmban një trup karboni dhe disa përmasa të mira.

Modeli është frymëzuar nga Renault 17, një hatchback që prodhuesi i automjeteve e shiti nga viti 1971 deri në 1979.

Ndërsa ka një motor elektrik me 270 kuaj fuqi dhe mund të përshkojë 400 km/h me një karikim të vetëm, Renault nuk ka plane për ta vënë në prodhim konceptin.

Kjo veturë do të mbetet një koncept që prodhuesi i automjeteve do ta shfaqë në disa ngjarje të ardhshme, duke përfshirë Motor Show 2024 në Paris në tetor.

Por, nëse Hyundai mund të ndryshojë vendimin për prodhimin e N Vision 74, ndoshta edhe Renault mundet. /Telegrafi/