Rumania do të luajë nesër sfidën e parë në kuadër të edicionit të ri në Nations League ndaj Kosovës.

Ndeshja luhet në stadiumin “Fadil Vokrri” në Prishtinë me fillim nga ora 20:45, shkruan Arbresh.info.

Një ditë para ndeshjes trajneri rumun, Lucescu mbajti konferencë për media.

Fillimisht ai tha se kombëtarja e tij ka fituar eksperiencë në Euro 2024 dhe tani është më shumë e motivuar për kualifikim në Kupën e Botës.

“Ekipi ka fituar shumë eksperiencë në Kampionatin Evropian, është i motivuar dhe me dëshirën për të bërë çdo përpjekje për t’u kualifikuar në Kupën e Botës”, ka thënë ai në konferencë për media.

Ai shpreson që të mos ketë incidente në këtë ndeshje.

“Shpresoj të ketë atmosferë sportive. Ndeshja do të luhet në fushë”.

“Uroj të mos ketë incidente dhe të ketë ‘fair-play’. Nuk jam i shqetësuar”, ka shtuar më tej Lucescu.

Ndeshja e fundi mes këtyre dy ndeshjeve në Rumani u ndërpre për më shumë se një orë pasi tifozët rumunë, kënduan kore raciste ndaj shqiptarve dhe patën të vendosur banera kundër shtetit tonë./Arbresh.info