Kompania rajonale e mbeturinave “Pastrimi” SH.A ka njoftuar se do të procedojë me përmbarimin e borxheve për klientët e saj. Procedura përmbarimore do të përfshijë amvisëri, biznese, institucione, dhe institucione publike që kanë borxhe për faturat e mbeturinave.

Në njoftim thuhet se afati për përmbushjen e obligimeve për pagesë është deri më 6 shtator në ora 16:00. Kompania ofron gjithashtu mundësinë e riprogramimit të borxheve me këste deri në 12 muaj.

“Po ashtu, njoftojmë gjithë klientët që kompania “Pastrimi”, ofron mundësinë e marrëveshjes për riprogramim të borxheve me këste deri 12 muaj.

Ju bëjmë thirrje gjithë klientëve të kompanisë “Pastrimi”, SH.A që të përmbushin obligimet e tyre që kanë ndaj kompanisë sonë, sepse në rast të mospagesës së obligimeve (borxheve), ju njoftojmë që borxhet e papaguara pas datës 06 Shtator 2024 do të procedohen te përmbaruesit privatë” thuhet në njoftim./Arbresh.info/