Në kuadër të Javës Botërore të Ushqyerjes me Gji, QKMF “Dr. Hafir Shala” në Drenas dhe QMF Komoran ka mbajtur ligjërata për edukimin dhe rëndësinë e gjidhënies, në kuadër të repartit “Kujdesi për nëna dhe fëmijë”.

“Përmes edukimit dhe mbështetjes së vazhdueshme do të ndihmojmë në përmirësimin e mirëqenies së nënave, ngritjen e ndërgjegjësimit rreth rëndësisë së ushqyerjes me gji gjithashtu është një hap i rëndësishëm drejt krijimit të një mjedisi që promovon shëndetin dhe zhvillimin optimal për nënat dhe foshnjat e tyre. Prandaj, është e rëndësishme që komuniteti dhe institucionet shëndetësore të ofrojnë mbështetje dhe informacion të duhur për të gjitha nënat”, thuhet në komunikatën e Komunës së Drenasit.

Drejtoresha e Shëndetësisë dhe Mirëqenie Sociale, Lumnije Krapi ka pohuar mbështetje te vazhdueshme për programin që synon të ndihmojë fëmijët nga mosha 0 deri në 3 vjeç, si shërbime shëndetësore, edukative, për të siguruar zhvillim të shëndetshëm për fëmijët në këtë grupmoshë.