Ndryshimi taktik i Ancelottit do të detyrojë mesfushorin kyç të Real Madridit të ulet në stol

13:46 | 13 Korrik 2024
A B

Trajneri italian, Carlo Ancelotti pritet të bëjë ndryshime taktike në sezonin e ri me Real Madridin dhe kjo mund të prekë një nga yjet e ekipit.

Sezonin e kaluar, Ancelotti përdori një sistem diamanti 4-4-2 në Real Madrid dhe është e sigurt të thuhet se ai bëri mrekulli.

Jude Bellingham u përdor si nëntësh fals në mungesë të një sulmuesi të nivelit të lartë dhe golat e tij ndihmuan Los Blancos të fitonin La Ligën dhe Ligën e Kampionëve, pasi fituan Superkupën e Spanjës.

Megjithatë, sipas gazetës Mundo Deportivo, me ardhjen e Kylian Mbappe, Ancelotti pritet të rikthehet te formacioni 4-3-3 për sezonin e ardhshëm.

Kjo do t’i lejonte italianit të ‘strehonte’ Mbappen, Vinicius Junior dhe Rodrygo Goes në të njëjtin formacion, megjithëse do të nënkuptonte gjithashtu që një mesfushor të humbet vendin.

Bellingham dhe Federico Valverde do të jenë titullarët e Real Madridit, që do të thotë se Ancelotti do të duhet të zgjedhë midis Aurelien Tchouameni dhe Eduardo Camavinga si mesfushorin e tij të tretë – i cili do të ketë detyra mbrojtëse.

Tani për tani, Tchouameni ndoshta fillon si favorit. Ndërsa kjo do të ishte e padrejtë për Camavinga, ai do të ketë shumë mundësi për të filluar sezonin e ardhshëm, duke pasur parasysh se Real Madrid po luan në gjashtë gara. /Telegrafi/