Qytetari ra pre e mashtrimit përmes sms-it, policia nis hetimet

19:48 | 25 Qershor 2024
E.G

Policia e Kosovës ka nisur hetimet për veprën penale “ndërhyrje në sistemin kompjuterik”

Sipas njoftimit, hetimi u inciua pas denoncimit nga ankuesi se i njëjti në telefonin e tij kishte pranuar një link me logo të një poste dhe pas klikimit në të është ridrejtuar në linkun tjetër ku i janë kërkuar të dhënat bankare personale, shkruan Arbresh.info.

“Pas futjes së të dhënave ankuesi ka raportuar se është dëmtuar në vlerë të konsiderueshme monetare”, thuhet në njoftim.

“Andaj duke parë si të rrezikshme mundësime e manipulimit dhe keqpërdorimit të të dhënave të ndjeshme nga ana e linqeve të pasigurta sugjerojmë qytetarët që të kenë kujdes të shtuar kur japin të dhëna të tilla në platforma të pasigurta”, thuhet tutje./Arbresh.info/