Ministri i Mbrojtjes i Kosovës, Ejup Maqedonci, ka bërë të ditur se kadetët e Qendrës së Studimeve Universitare (QSU) të FSK-së përfunduan, me sukses dhe disiplinë të punës, ushtrimin fushor “Kampi i Avancuar 2024”.

Me anë të një postimi në Facebook, Maqedonci, ka shkruar se gjatë këtij ushtrimi, kadetët u trajnuan dhe vlerësuan në ekzekutimin dhe drejtimin e operacioneve luftarake.

Njoftimi i plotë

Kadetët e QSU përfunduan Ushtrimin Fushor Kampi i Avancuar 2024, aktiviteti përmbyllës i vitit akademik. Gjatë këtij ushtrimi, kadetët u trajnuan dhe vlerësuan në planifikimin, ekzekutimin dhe drejtimin e operacioneve luftarake dhe të stabilitetit në nivel togu dhe kompanie.

Motivi i lartë, disiplina e punës dhe etosi luftarak janë ndër virtytet që kadetët e të gjitha klasëve kanë treguar gjatë këtij ushtrimi./Arbresh.info