Presidenti i Shqipërisë, Bajram Begaj në seancën solemne për nder të 25 – vjetori të çlirimit të Kosovës tha se në përvjetor të tillë të shenjtë për shqiptarët, përulemi para figurave të shquara.

“Sot nderojmë Adem Demaçin i palodhur në betejën e tij në burgjet e Jugosllavisë. Sot përulemi para familjes Jashari, sot nderojmë Adem Jasharin legjendën e lirisë. Liria nuk është dhuratë ajo duhet të mbrohet. Shqipëria hapi zemrën për të mbrojtur vëllezërit dhe motrat të dëbuar nga regjimi i Millosheviqit”, tha Begaj.

Begaj tha se NATO ndaloi spastrimin etnik dhe i dha shpirt një populli që iu mohua liria.

Presidenti shqiptar tha se Kosova dhe Shqipëria kanë nevojë më shumë se kurrë qe të jemi bashkë.

“ Dy shtete një komb një gjak një shqiponjë dykrenare, shqiptarët kanë nevojë për të forcuar kohezionin e saj. Ne kemi nevojë më shumë se kurrë që të jemi bashkë. Nuk mund të lejojmë që krimi të shfaqet si virtyt. Sot ne përballemi me përpjekje për ta penguar shtetin e Kosovës, kauza e Kosovës nuk ka përfunduar jemi të palëkundur në kauzën tonë. Kosova nuk është vetëm nuk do të jetë vetëm Kosova është një histori suksesi. Gëzuar ditën e çlirimit”, përfundoi Begaj./Arbresh.info/