Ballkani për Dakun dhe Hoxhën: Përpara luana, i gjithë kombi është me ju

17:22 | 27 Maj 2024
D.H

Shqipëria publikoi listën për Euro 2024 këtë të hënë.

Në listën e Sylvinhos janë të ftuar edhe dy ish futbollistë të skuadrës së Ballkanit, Mirlind Daku dhe Arbër Hoxha, shkruan Arbresh.info.

Pas ftesës së tyre nëpërmjet një postimi në Facebook, skuadra kampione e Kosovës ka uruar Hoxhën dhe Dakun.

“Me besimin e fuqishëm për djemtë e Kombëtarës Kuq e Zi, jemi të bindur që në Kampionatin Evropian të futbollit në Gjermani, Shqipëria do të lë gjurmë historike. Suksese të gjithëve, posaqërisht ish-sulmuesve tanë, Mirlind Daku e Arbër Hoxha, që me nder e krenari kanë bartur fanellën e FC Ballkanit! Përpara luana, i gjithë kombi është me ju”, ka shkruar Ballkani.

Kujtojmë se Shqipëria ndodhet në grupin B së bashku me Kroacinë, Italinë dhe Spanjën./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm

sq sq