Rreth 670 njerëz dyshohet të jenë varrosur nën një rrëshqitje masive dheu në Papua Guinenë e Re, thotë një zyrtar i OKB-së.

Kreu i Organizatës Ndërkombëtare për Migracionin në vend, Serhan Aktoprak, tha se ndikimi i rrëshqitjes së dheut të së premtes në provincën e izoluar Enga ishte më i madh sesa mendohej fillimisht, shkruan BBC transmeton Arbresh.info.

“Ka rreth 150 më shumë shtëpi të varrosura tani,” tha Aktoprak.

Zonat e prekura janë në malësitë e Enga, në veri të vendit ishullor në Paqësorin jugperëndimor.

Aktoprak tha se shpëtimtarët ishin në rrezik sepse “toka ende rrëshqet” dhe “gurët po bien ende”.

“Uji po rrjedh dhe kjo po krijon një rrezik masiv për të gjithë të përfshirët”, tha ai.

Përveç kësaj, banorët vendas janë detyruar të braktisin 250 shtëpi në zonat që nuk janë prekur drejtpërdrejt nga rrëshqitja e dheut pasi filluan të shfaqen çarje në tokë.

Në këtë zonë jetojnë rreth 4000 njerëz.