Plagoset një polic gjatë aksionit për kapjen e hajnave që hynë për të vjedhur në një objekt fetar në Klinë

09:32 | 10 Maj 2024
K.B

Disa persona të panjohur kanë tentuar të bëjnë vjedhje në një objekt fetar në Klinë.

Siç njofton policia, gjatë rastit të dyshuarit kanë shtënë me armë zjarri në drejtim të policisë. Si pasojë e të shtënave, një zyrtar policor është plagosur dhe është dërguar në Spitalin e Pejës.

“Klinë 09.05.2024 – 03:56. Ankuesi mashkull kosovar ka njoftuar se persona të dyshuar janë duke tentuar të bëjnë vjedhje në objekt fetar. Patrulla policore i është përgjigjur rastit, ku të dyshuarit kanë shtënë me armë zjarri në drejtim të policisë. Si pasojë e të shtënave, një zyrtar policor është plagosur dhe është dërguar në Spitalin e Pejës. Rasti është duke u hetuar nga njësitet relevante policore”, njofton policia përmes raportit 24 orësh./Arbresh.info/