Policia rajonale e Ferizajt ka shqiptuar 5 mijë e 136 gjoba për kundërvajtje, ndërsa ka hequr 67 patentë shoferë për drejtuesit që kanë shkaktuar kundërvajtje më të rënda në komunikacion, ku parashihet masa mbrojtëse heqje e patentë shoferit.

Sipas policisë, disa nga kundërvajtjet e shkaktuara në komunikacionin rrugor janë tejkalim i shpejtësisë, përdorim i telefonit gjatë ngasjes, xhamat e errët, skadimi i afatit, drejtimi i mjetit, shkruan Arbresh.info.

“- Tejkalim i shpejtësisë,  1736 gjoba

– Përdorimi i telefonit gjatë ngasjes,  387 gjoba

– Xhamat e errët , vendosja e foljes ose materialit tjetër,222  gjoba
– Mos përdorimi i rripit të sigurisë, 195  gjoba
– Skadimi i afatit të regjistrimit të automjetit,133  gjoba

– Drejtimi i mjetit pa patentë shofer, 119  gjoba

– Mjetet pjesëmarrëse në trafik pa sinjalizim të duhur ndriçues, 32 gjoba

– Kyçja e  pa rregullt në rrugën kryesore,  28 gjoba

– Kundërvajtje ndaj motoçiklistëve, 16 gjoba

– Tejkalim në vijë të plotë, apo vend të ndaluar, 15 gjoba
– Drejtimi  i automjetit nën ndikimin e alkoolit, 4 gjoba

– Mos respektimi i këmbësorëve, 3 gjoba

– Të tjera, 2246 gjoba”, thuhet në njoftim.
Policia Rajonale e Ferizajt thekson se do të vazhdojë me aktivitete të shtuara, me synim parandalimin e aksidenteve në komunikacionin rrugor dhe apelon tek shoferët që të bëjnë kujdes.

Ndërsa, ka ftuar qytetarët që të bashkëpunojnë më policinë./Arbresh.info/