Publikoi disa video në rrjete sociale- arrestohet një person në Gjakovë, i konfiskohet një pistoletë

09:05 | 22 Prill 2024
E.G

Policia e Kosovës ka arrestuar një person në Gjakovë pasi që tek i njëjti është gjetur dhe konfiskuar një pistoletë.

Sipas policisë, i dyshuari është identifikuar nga disa vide-incizime të publikuara në rrjetet sociale, shkruan Arbresh.info.

Me vendim të prokurorit, i njëjti është liruar në procedurë të rregullt.

“POSEDIM & PËRDORIM I PAAUTORIZUAR I ARMËS Gjakovë / 21.04.2024-18:17. Pas disa video-incizimeve të publikuara në rrjetet sociale është identifikuar dhe arrestuar i dyshuari mashkull kosovar dhe gjatë kontrollit në shtëpinë tij i është gjetur dhe konfiskuar një pistoletë. I dyshuari është intervistuar dhe me vendim të prokurorit është liruar në procedurë të rregullt.”, thuhet në raportin 24 orësh të policisë./Arbresh.info/