Kurti shpreh ngushëllime për vdekjen e Shirine Morinës: Vdekja e saj është humbje e madhe për komunitetin artistik

20:44 | 14 Prill 2024
E.G

Kryeministri i Kosovës, Albin Kurti ka shprehur ngushëllime komunitetit artistik për ndarjen nga jeta të Shirine Morinës.

Me anë të një postimi në Facebook, Kurti tha se vdekja e saj është humbje e madhe për komunitetin artistic, shkruan Arbresh.info.

“Me pikëllim të thellë, komunitetit artistik të Kosovës e gjithë vendit i shprehi ngushëllimet më të sinqerta për ndarjen nga jeta të Shirine Morinës.”, ka shkruar ai.

“Në kujtesën tonë, do të qëndrojnë përjetë rolet e saj si ajo e monodramës “Mbreteresha Teutë”, si dhe kontributi i jashtëzakonshëm në shfaqjet “Hotel Kashta”, “Makbethi”, “Gjenerali i ushtrisë së vdekur”, në filmin “Era dhe lisi”, si dhe serialet “Kombinati” dhe “Cimerat”.”, shtoi Kurti.

“Vdekja e saj është humbje e madhe për komunitetin artistik. Shpirti i saj u prehtë në paqe!”, përfundoi kryeministri./Arbresh.info/