Klinaku i reagon Pertrovcit: pa Thaqin, Kosova nuk do të ishte Republikë

Zyrtari i Organizatës së Veteranëve të Luftës së UÇK-së, Faton Klinaku i ka reaguar aktorit të njohur shqiptar, Enver Petrovci, i cili tha se ‘njerëzit e luftës i njohim falë luftës’ sepse në të kundërtën, tha ai, do të ishin vetëm mësues e badigardë.

Klinaku në një postim në Facebook, ka shkruar se po të mos bëhej lufta çlirimtare dhe vendosmëria e Hashim Thaçit në Rambuje, Kosova nuk do të ishte Republikë, shkruan Arbresh.info.

“Po t’mos bëhej lufta çlirimtare e udhëhequr nga UÇK-ja, dhe po t’mos ishte vendosmëria e Hashim Thaçit në Rambuje, vendi ynë nuk do t’ishte Republikë e qe besa as Krahinë Socialiste Autonome e Kosovës. E, njerëzit si Enver Petrovci nuk do t’mërziteshin për popullin e robëruar, vetëm e vetëm që t’përfitonin me rolet e “Gllumacit” në një treg më të madh të quajtur Jugosllavi.

Politikanët dhe diplomatët e huaj e kanë quajtur diplomat njeriun e proceseve të arritura deri më tani në Kosovë. E ata që na qenkan gjoja të shkolluar, le ta bëjnë dallimin në mes të politikanit dhe diplomatit.” /Arbresh.info/