Tre persona janë arrestuar pasiqë të njëjtit dyshohen se kanë sulmuar me mjete të forta një person në fshatin Belincë të Shtimes.

Lajmin për Arbresh.info e ka konfirmuar zëdhënësi i Policisë për rajonin e Ferizajt, Kanun Veseli.

Ai tha se i lënduari është dërguar për trajtim mjekësor në Qendrën Kryesore të Mjekësisë Familjare në Shtime e më pas edhe në Emergjencë në Ferizaj.

“Me datën 13.03.2024 rreth orës 10:10 policia e stacionit në Shtime ka pranuar një informatë se në fshatin Belincë të Shtimes është një rast i lëndimit trupor, ku tre persona kanë sulmuar me mjete të forta një person tjetër, duke i shkaktuar lëndime trupore, i cili për ndihmë mjekësore është dërguar në QKMF- Shtime e më pas për tretman të mëtutjeshëm mjekësor është dërguar në Qendrën Emergjente në Ferizaj”- ka thënë ai.

Veseli ka njoftuar se lidhur me rastin janë arrestuar tre të dyshuar: N.Q., 41-vjeçar, S.Q., 44-vjeçar dhe S.Q., 20-vjeçar, të cilët me vendim të prokurorit janë dërguar në mbajtje për 48 orë./Arbresh.info/