Një person shtetas serb, është arrestuar në fshatin Piranë të Prizrenit për dhënie të ryshfetit.

Sipas njoftimit, I.V 41-vjeçar, ishte duke drejtuar një kamion me tabela të Serbisë, kur është ndaluar nga njësitet policore për tejkalim të shpejtësisë, shkruan Arbresh.info.

Nga patrulla policore, atij i janë kërkuar dokumentet dhe bashkë me dokumente ai jep edhe një kartëmonedhë prej pesë euro.

“Shoferi kamioni I. V. I lindur në vitin .1983 në Krushevac – Serbi, Shtetas Serb, pasi është ndaluar nga patrulla policore dhe i janë kërkuar dokumentet, ai bashke me dokumente jep edhe një kartëmonedhë prej pesë (5) eurove. I njëjti është prangosur nga policia dhe është dërguar në Stacionin Policor Prizren Veri”, thuhet në njoftim.

Pas intervistimit në prani të avokatit mbrojtës me urdhër të Prokurorit kujdestarë të njëjtit i është dhënë aktvendimi për ndalim për 48 ore.

Kundër të njëjtit është dërguar kallëzim penal për veprën penale “Dhënia e ryshfetit” Neni 422 IiKodit Penal të Republikës së Kosovës./Arbresh.info