Gjatë ditës së sotme, do të mblidhen dy komisione parlamentare.

Me fillim nga ora 11:00, do të mblidhet Komisioni për Mbikëqyrje Financiare ku në rend të ditës janë gjashtë pika për tu diskutuar, shkruan Arbresh.info.

Pikat e rendit të ditës:

1. Miratimi i rendit të ditës;

2. Miratimi i procesverbaleve nga mbledhjet e mbajtura me datë 13.12.2023 dhe 19.12.2023;

3. Shqyrtimi i Raportit të punës së komisionit për vitin 2023;

4. Shqyrtimi dhe adresimi i çështjeve të mbetura në procedurë;

5. Diskutim rreth hartimit të Planit të punës së Komisionit për sesionin pranveror të vitit 2024;

6. Të ndryshme.

Ndërsa, nga ora 13:00 do të mblidhet Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit e që në rend të ditës janë shtatë pika për tu diskutuar.

Pikat e rendit të ditës:

1. Miratimi i rendit të ditës;

2. Miratimi i procesverbaleve nga mbledhjet e mbajtura me datë 7.12.2023 dhe 14.12.2023;

3. Shqyrtimi në parim i projektligjit nr. 08/L-272 për plotësimin dhe ndryshimin e Ligjit nr. 06/L-010 për Noterinë, i ndryshuar dhe i plotësuar me Ligjin nr. 08/L-149;

4. Shqyrtimi i Raportit të punës së komisionit për vitin 2023;

5. Shqyrtimi i Raportit të zbatimit të Ligjit nr.08/L-017 për Agjencinë për Parandalimin e Korrupsionit dhe Ligjit Nr.08/L-108 për Deklarimin, Prejardhjen dhe Kontrollin e Pasurisë dhe të Dhuratave;

6. Formimi i grupit punues për shqyrtimin e aplikacioneve të kandidatëve për anëtarë të Këshillit Prokurorial të Kosovës;

7. Të ndryshme;/Arbresh.info