Kryeministri i Kosovës,Albin Kurti ka thënë se java e parë e këtij viti ka qenë javë e zhvillimev e të reja për qytetarët dhe shtetin tonë.

Me anë të një postimi në Facebook, si zhvillime të reja përmendi liberalizimin e vizave, targat, regjistrimin e energjisë elektike në veri dhe njohjen e pasaportave të Kosovës nga Spanja, shkruan Arbresh.info.

“Java e parë e vitit të ri ka qenë javë e fillimeve të reja për qytetarët dhe shtetin tonë. Për herë të parë, mund të udhëtojmë në zonën shengen pa viza. Targave ilegale të Serbisë u erdhi fundi 24 vjet pas çlirimit, e targat RKS u njohën nga Serbia 15 vjet pas shpalljes së Pavarësisë. Filloi regjistrimi i energjisë elektrike në katër komunat në veri të vendit, pas më shumë se dy dekadave. Ndërkaq në prag të 16-vjetorit të Pavarësisë, Spanja iu bashkua shteteve të Bashkimit Evropian që e njohin pasaportën e Kosovës.”, ka shkruar shefi i qeverisë.

Ndër të tjera, Kurti ka falënderuar të gjitha kabintetet politike dhe punonjësit e shtetit dhe qeverisë për kontributin e tyre, dhe partnerët tanë ndërkombëtar për rolin që kanë luajtur ashtu si dhe qytetarët.

“Fillimet që po i shënojmë e festojmë tani, janë rezultate të një pune të gjatë e vendosmërie të madhe të institucioneve tona që vazhdon edhe më tej. Falënderoj të gjithë kabinetet politike dhe punonjësit e shtetit dhe qeverisë për kontributin e tyre, dhe partnerët tanë ndërkombëtar për rolin që kanë luajtur. Por më së shumti qytetarët e vendit tonë që na besuan dje dhe që na mbështesin sot e çdo ditë.”, shtloi ai.

“Vazhdojmë!”, përfundoi ai./Arbresh.info/