Pas vizitës në familjen e heroit, Afrim Bunjaku, kryeministri i vendit, Albin Kurti ka vizituar edhe familjen e heroit tjetër të Policisë së Kosovës, Enver Zymerit.

“Nga aty, me dy djemtë e Afrim Bunjakut, Fatlumin e Jetlumin vizituam familjen e Enver Zymerit. Na pritën vëllau Egzoni, gruaja Drita, djali Sokoli, vajzat Luljeta e Rinesa, axha Ramadani dhe shumë të tjerë”, ka shkruar Kurti në llogarinë e tij në Facebook.

Lexo edhe:

Në ditën e fundit të vitit, Kurti viziton familjen e Afrim Bunjakut në Samadrexhë të Vushtrrisë

Mes tjerash, Kurti tha se me babin e Enver Zymerit ka ndarë të njëjtën qeli për një vit, në burg të Serbisë.

“Enverin e kujtoj dy herë. Një herë për shërbimin dhe sakrificën e tij dhe një herë tjetër për Bacën Rremë, babain e tij, Muharremin, shokun tim të burgut, me të cilin e kam ndarë të njëjtën qeli për një vit, në burg të Serbisë, e i cili ndërroi jetë para dy vitesh”, tha Kurti.

“Festat e fundvitit do të ishin më të plota me Afrimin e Enverin, por ne nuk i harrojmë asnjëherë sepse ata janë historia krenare e Republikës sonë”, tha Kurti./Arbresh.info/