Haradinaj: Finlanda është dëshmuar si një partner i fortë i Kosovës

21:08 | 6 Dhjetor 2023
E.G

Kryetari i Aleancës për Ardhmërinë e Kosovës (AAK), Ramush Haradinaj ka marrë pjesë në festimin e organizuar në përvjetorin e Pavarësisë së Finlandës.

Haradinaj me anë të një postimi në Facebook, tha se Finlanda është dëshmuar si një partner i fortë i Kosovës në procesin e shtetndërtimit.

“Sot, në përvjetorin e Pavarësisë së Finlandës, pata kënaqësinë që të jem në festimin e organizuar në këtë ditë të veçantë për shtetin dhe miqtë tanë. Finlanda është dëshmuar si një partner i fortë i yni në procesin e shtetndërtimit dhe të forcimit të subjektivitetit të Kosovës.”, ka shrkuar Haradinaj.

“Për këtë jemi përherë mirënjohës, me urimin më të mirë që marrëdhëniet tona të shkëlqejnë edhe në të ardhmen!”, shtoi ai.

“Gëzuar përvjetorin, Finlandë!”, përfundoi Haradinaj./Arbresh.info/