Sekretari i Përgjithshëm i NATO-s, Jens Stoltenberg, ka mbërritur të dielën në mbrëmje, më 19 nëntor, për një vizitë zyrtare në Bosnje dhe Hercegovinë, është konfirmuar nga aeroporti i Sarajevës për Radion Evropa e Lirë

Kjo është vizita e tij e parë në Bosnje dhe Hercegovinë. Arsyeja e mbërritjes së tij nuk u specifikua.

Në daljet e mëparshme në media, Stoltenberg deklaroi se Bosnja dhe Hercegovina, së bashku me Gjeorgjinë dhe Moldavinë, i përket vendeve që meritojnë vëmendje të veçantë nga NATO.

Presidenca e BiH njoftoi se ata do të takohen me Stoltenberg në një darkë pune.

Një ditë më vonë, më 20 nëntor, kreu i NATO-s do të takohet me zyrtarë të tjerë të Bosnje-Hercegovinës.

Në vitin 2010, Bosnja dhe Hercegovina u ftua t’i bashkohej Planit të Veprimit për Anëtarësim (MAP), i cili përfaqëson hapin e parë drejt pranimit, por në të njëjtën kohë nuk paragjykon asnjë vendim për anëtarësimin e ardhshëm.

Si pjesë e Planit të Veprimit të Anëtarësimit, bashkëpunimi i vendit me NATO-n strukturohet përmes Programit të Reformës së Bosnjë-Hercegovinës, i cili përshkruan reformat që qeveria synon të ndërmarrë dhe lehtëson mbështetjen e NATO-s për këto përpjekje.