Kryeministri i Kosovës, Albin Kurti i ka uruar fitoren në garën për Distriktin e Katërt të Legjislaturës së Westchesterit në Shtetet e Bashkuara të Amerikës,  shqiptaro-amerikanit Vedat Gashi nga radhët e demokratëve.

Me anë të një postimi në platformën “X”, Kurti ka shkruar se Dita e Zgjedhjeve 2023 ishte një moment historik për komunitetin shqiptaro-amerikan, shkruan Arbresh.info.

Ndër të tjera, ai ka uruar edhe Edit Shkrelin e zgjedhur si gjyqtare e Gjykatës Civile të Qarkut Bronx NYC si dhe Violetta Berisha si Kryetare e Bashkisë Fairvieë.

“Dita e Zgjedhjeve 2023 ishte një moment historik për komunitetin shqiptaro-amerikan. Shumë urime për fituesit: Edit Shkreli, e zgjedhur si gjyqtare e Gjykatës Civile të Qarkut Bronx NYC; Violetta Berisha si Kryetare e Bashkisë Fairvieë; dhe Vedat Gashi dhe Emiljana Ulaj si ligjvënës të Qarkut Westchester.”, ka shkruar Kurti./Arbresh.info/

Election Day 2023 was a historic milestone for the Albanian-American community. Many congrats to the winners: Edit Shkreli, elected as Bronx County NYC Civil Court Judge; Violetta Berisha as Mayor of Fairview; and Vedat Gashi and Emiljana Ulaj as Westchester County Legislators.

— Albin Kurti (@albinkurti) November 8, 2023