Presidenti i SHBA -së, Joe Biden ka nënvizuar nevojën për “fluksin e vazhdueshëm” të ndihmës humanitare në Gaza, në një telefonatë me kryeministrin izraelit Benjamin Netanhayu.

Duke folur me Netanyahun të hënën, Biden përshëndeti gjithashtu lirimin e Nurit Cooper dhe Yocheved Lifshitz, dy gra të moshuara që mbaheshin peng nga Hamasi në Gaza, shkruan BBC transmeton Arbresh.info.

Biden pastaj përsëriti angazhimin e tij ndaj “përpjekjeve të vazhdueshme të Izraelit për të siguruar lirimin e të gjithë pengjeve të mbetura të marra nga Hamasi”, ndërsa bëri thirrje për kalimin e sigurt të civilëve nga Gaza.

Më herët të hënën, ministria e shëndetësisë e Gazës e drejtuar nga Hamasi tha se numri i përgjithshëm i të vdekurve në enklavë ishte rritur në 5,087 që kur Izraeli filloi reagimin e tij ndaj sulmit ndërkufitar të Hamasit.

Shifra përfshinte 436 viktima – 182 prej të cilëve ishin fëmijë – të cilët ishin vrarë në 24 orët e mëparshme