Dy persona të dyshuar për trafikim me njerëz janë arrestuar të mërkuren nga Policia e Kosovës

Sipas njoftimit, të policisë personat e arrestuar janë,  A. K. viti i lindjes 1978 m/shtetas kosovar dhe R. K. viti i lindjes 1991 f/shtetase e Shqipërisë.

Njoftimi i plotë:

Kosovës arreston dy persona të dyshuar për ‘trafikim me qenie njerëzore’ dhe identifikohen dy viktima të trafikimit

Policia e Kosovës, përkatësisht Drejtoria për Hetimin e Trafikimit me Qenie Njerëzore, në bashkëpunim me Prokurorinë Themelore në Pejë, ka arrestuar dy persona të dyshuar për kryerje të veprës penale ‘trafikim me njerëz’.

Me datën 18.10.2023, pas informacioneve të pranuara për dyshimet lidhur me kryerje të veprës penale ‘trafikim me qenie njerëzore’, Sektori Qendror i Hetimeve nga DHTQNj, në bashkëpunim dhe koordinim me prokurorinë e lartcekur, ka zhvilluar hetime intensive, ku si rezultat janë identifikuar dhe janë arrestuar dy persona të dyshuar me iniciale A. K. viti i lindjes 1978 m/shtetas kosovar dhe R. K. viti i lindjes 1991 f/shtetase e Shqipërisë, pasi të njëjtit dyshohet se kanë kryer veprën ‘trafikim me njerëz’ nga neni 165 i KPRK-së.

Lidhur me rastin me vendim të prokurorit kompetent personat e dyshuar dërgohen në mbajtje, ndërsa viktimat e përfshira në rast u janë nënshtruar procedurave për trajtim të viktimave të trafikimit./Arbresh.info/