Gjergj Beka, këshilltari i ish-presidentit, Behgjet Pacolli, ka reaguar pas kërkesës së presidentit serb, Aleksandër Vuçiq për mos-njohjen e shtetit të Kosovës nga Kenia.

Beka ka thënë se përpjekjet e Vuçiqit janë të kota, teksa theksoi se presidenti i Kenias, William Ruto është mik i madh i Behgjet Pacollit, shkruan Arbresh.info.

Përmes një postimi në Facebook, Beka shtoi se Kenia brenda një kohë shumë të shkurtë do ta njohë pavarësin e Kosovës.

“Përpjekjet e Vuçiçit për ta bindur Presidentin e Kenyas dhe mikun e madh të Presidentit Behgjet Pacolli do të jenë të kota . Shteti i Kenyas dhe jo vetëm në një kohë shumë të shkurtër do ta njohin shtetin e Republikës së Kosovës. Çdo herë në shërbim të vendit”, ka shkruar Beka.

Kujtojmë, se Vuçiq ka kërkuar nga Kenia që të mos e njohë Kosovën si shtet, ani pse vet e pranoi që në këtë çështje ndikim të madh për njohje të reja ka ish-presidenti Behgjet Pacolli./Arbresh.info

Lexo edhe:

“Pacolli ka ndikim të madh”, Vuçiq tenton ta bind presidentin e Kenisë të mos e njohë Kosovën