Presidenti i Shqipërisë, Bajram Begaj ka reaguar pas fitores së Kosovës dhe Shqipërisë, në ndeshjet kualifikuese për “EURO 2024”.

Begaj ka ndarë në profilin e tij në Facebook, dy fotografi nga festa e kombëtarëve, duke shkruar se janë fitore të merituara nga djemtë tanë.

“Fitore të merituara nga djemtë tanë”, ka shkruar Begaj.

Kombëtarja e Shqipërisë ka shënuar fitore ndaj Çekisë, në ndeshjen e vlefshme për kualifikimet në Kampionatin Evropian “Euro 2024”.

Ndeshja përfundoi me rezultat 3-0 , duke arritur të mbes lider të tabelës në grupin E me plotë 13 pikë, ndërsa Polonia gjendet në pozitën e dytë me 9 pikë.

Edhe Kombëtarja e Kosovës ka arritur të shënojë fitore ndaj Andorrës, në ndeshjen e vlefshme për Kampionatin Evropian “Euro 2024”.

Djelmoshat e Glihas triumfuan pastër në udhëtim te Andorra, 0-3./Arbresh.info/