Kryetari i Kuvendit të Kosovës, Glauk Konjufca gjatë vizitës së tij zyrtare në Bundestagun gjerman ka zhvilluar takim me anëtarët e Komisionit të Mbrojtjes të kryesuar nga Marie-Agnes Strack-Zimmermann.

Në këtë takim,  Konjufca ka informuar komisionin mbi gjendjen e sigurisë në Kosovë, veçanërisht pas sulmit terrorist të 24 shtatorit, shkruan Arbresh.info.

Tujte ai ka shprehur shqetësimin për ripërsëritjen e skenarit të 24 shtatorit nëse bashkësia ndërkombëtare nuk dënon rolin e Serbisë në cënimin e sovranitetit dhe sigurisë së Kosovës.

“Shpreha shqetësimin e institucioneve të Kosovës për rrezikun e përsëritjes së një skenari të tillë me përmasa akoma më të mëdha nëse bashkësia ndërkombëtare nuk e denon me ashpërsi dhe konkrektësi rolin e Serbisë në këtë cenim të sovranitetit dhe sigurisë të Republikës së Kosovës.”, ka shkruar Konjufca.

Ndër të tjera, kryeparlamentari i ka veçuar rolin e Gjermanisë në dënimin e “tentim-invazionit” të Serbisë ndaj Kosovës.

“E veçova reagimin e Gjermanisë në dënimin e këtij tentim invazioni të Serbisë kundrejt Kosovës, si dhe e falenderova shtetin gjerman për mbështetjen e vazhdushme të vendit tonë.”, përfundoi Konjufca./Arbresh.info./